_ "انا اسف مش قادر اكمل..سامحيني يا حوريه..تح عني " طوت الورقه وهي بتتخيل صوته وهو واقف قدامها وبيقولها الكلام دا بنفسه بس كالعاده من يوم ما عرفته وهو راجل عره على رأي خالها…! كانت بتتمني يكون راجل ويقف قدامها وينهي العلاقه بشياكه كده زي ما بتقرا في الروايات وتشوف في المسلسلات التركي اللي كلت دماغها بس للاسف هي فعلا هبله ..مسحت دموعها اللي نزلت لوهله كده غصب عنها بحده وهي بتسخر من نفسها وتأنبها انها ازاي تبكي على واحد ملوش لازمه زي ده شورة امه على رأي مرات خالها.. كانت مفكره ايه يعني أن ابن الذوات هيتخلي عن العز والترف اللي عايش فيه ويختارها.. غبيه يا حوريه وتستاهلي.. _ يا ندامتي بتبكي يا حوريه… سمعت مرات خالها بتقول كده ومستنتش تشمت فيها بطريقتها كالعاده وهي بتقولها ما قولتلك" يا روح قلب قلبي دا واد عُوره وما يستاهلش ضفرك بس انتي اللي خايبه ومراية الحب عاميه ياروح الروح انتي" _ اوف ارحمني منها ياربي قولتها وانا بتأفف وحاطه ايدي على خدي.. ورجعت سمعت صوتها تاني بتقول وبتولول: _ اجري يا هبله يا خايبه فكراني مش عارفه صدقتي دلوقتي كلامي لما قولتلك دا واد عُوره ابن عُوره .. غصب عنها ضحكت ، ضحكت وهي عارفه ومتاكده من كده بس كانت بتمني نفسها يخيب ظنها فيه ابن الجز"مه ده بس هي طلعت ولا نزلت مجرد نزوه في حياة اي راجل هيختارها، مش بسبب سوء اخلاقها لاء بسبب مهنة العيله الكريمه ، أو مهنة خالها بالأصح اللي قررت هي بكامل كل إرادتها تختاره في كل مره تتحط في اختيار، اصلا مفيش وجه مقارنه بينه وبين اي حد ..خالها دا العشق العشق يعني… دلوقتي بس صدقت كلام خالها وتقتنع أن الحب وشعاراته ما هو إلا كلمات فارغه وعجبي، لازم ترمي قلبها في الزباله وتدوس عليه ..الحياه مش وردي ولا هتكون ابدا ليها ورديه .. فاقت على صوت جدها اللي بيكح في الأوضه اللي استخبت فيها من كلام مرات خالها اللي بالمناسبه بتموت فيها هي كمان ما هو يا جماعه الام مش اللي بتخلف بس الام اللي بتربي وتكبر وتعلم وتهنن وتستت وكل دول كانوا في مرات خالها اللي تولت تربيتها بعد موت والدتها : _ عملتي نصيبه ايه يا روح قلب جدك انتي..؟ غصب عنها ابتسمت وحمدت ربنا علي عيلتها الحلوه حتى لو كانت فقيره ومعدمه وعلى قد حالها.. قربت منه وقعدت جنبه عالسرير وربعت رجليها وحطت أيدها على خدها _ لا يا جدي انا معملتش حاجه انا بس اتعلم عليا ومرات ابنك هتشمت فيا زي عادتها.. ضربها جدها على راسها بخفه وضحك: _ طول عمرك هبله وبينضحك عليكي يا حوريه ايه الجديد يعني! نفخت حوريه خدودها بضيق: _ حتي انت يا حج صبري.. قبل ما جدها يتكلم كان خالها ضربها بخفه من الجهة التانيه وهو بيضحك عليها وعلى زعلها اللي لسه بيشبه زعلها وهي صغيره متغيرتش ولا ناويه شكلها تتغير ابدا ولا ناويه تتعلم من دروسها الكتيره اللي بتاخدها من الدنيا اول باول.. بصت لخالها وهتفت بتذمر: _ ماشي يا ابو الكباتن اضرب اضرب.. ضحك عليها : _ ايه دلوقتي صدقتي كلامي يا حوريه . _ بقولك ايه يا خالي اطلع من نفوخي الله يسهلهك انت كمان ، كلام ايه اللي صدقه بعد اللي بيحصلى دا ، قولي اتختمتي على قفاكي تاني يا حوريه دا الكلام الصح اللي يتقال لوحده زي يا ابو الكباتن بس وديني ما انا معديهاله ابن فوزيه الغلاويه.. ضحك خالها بقوه وضرب كفوفه في بعضها بغلب منها: _ ابن فوزيه الغلاويه لا ما شاء الله كده اطمن عليكي يا غاليه.. _ طب زوء عجلك بعيد عني وخد مراتك واتكل ع الله ..مش ناقصه تقطيم منها انهارده، قبل ما يخرج صرخت بضحك بصوت سلطان " يا شماته ابله ظاظا فيااا.." _ ابله طاظا مين ياحوريه؟ لا دا انتي حالتك بقت ترلالي عالاخر والنبي ربنا رحمه ابن العمده.. صرخت.. _ خاااالي..! _ طالع..طالع يختي، علشان عندي نمره في… سكت وبعدين بصلها بمكر وغمزلها وقال: _ في فرح ابن العمده _ ايه.. احلف والمصحف.. يتبع.. الفصل الثاني: "حبيته ابن الجزمه بس للاسف غدر بيا.. ماشي يابن فوزيه الغلاويه.." …. زوء عجلك بعيد عني وخد مراتك واتكل عالله .. _ طالع..طالع يختي، علشان عندي نمره في… سكت وبعدين بصلها وغمزلها وقال: _ في فرح ابن العمده _ ايه؟ ابن العمده ؟ _ لا استني ..خد عندك.. لمح المكر والخبث في عنيها وفهم بتفكر في ايه وقبل ما تنطق قالها: _ لا..لا يا حوريه استحاله انتي مبقتيش صغيره انسي..وان حصل هول*ع فيكي بنفسي واخلص من مصايبك.. _ خالي..! _ قلت لا.. _ يا خالي ..لا يعني لا وخلصنا.. سابها ومشي وهي دبدبت الأرض برجليها زى الاطفال عقلها مش ماشي مع جسمها طفلة صغيره عنديه ولما بتصمم علي شيء استحاله تغير وتحيد رأيها عنه . هيتجنن منها ومن عمايلها يا ما حذرها من ابن العمده بس مفيش فايده كان مالي دماغها بشعارات وكلام فارغ.. ابتسم بخفه ، وهو من جواه حزين عليها ، حاسس بصدمتها حوريه مش بس بنت أخته لا دي بنته اللي رباها من صغرها، رفقيته ورفيقة مزماره اللي بيعشقه اكتر من نفسه لو كان بايده حاجه غيرها كان اتعلمها وخلي الناس كلها تفتخر بيها بدل ما الكل طمعان فيها وبيطعن في اخلاقها اكمنها تربايته يعني.. بس للاسف هو طلع لقي والده بتاع مزمار مكنش له غير أخته اللي كانت دايما باصه لفوق وكارهه عيشتها ومكرهاههم في حياتهم، وكانت مستعده تعمل اي حاجه علشان تختفي من حياتهم وتبعد عنهم بسبب شغلتهم ديا.. لحد ما لافت على شاب ابن ذوات ابن خلايجة كان جاي زياره يحضر مولد من الموالد اللي بيحضروها ووقعت في حبه وهربت معاه وبعد سنين من البحث عليها هنا وهنا فقدو الامل في رجوعها لحد ما اتفاجئوا بيها راجعه وعلي أيدها حوريه كانت عمرها شهور رجعت ساكته مكسوره ووحيده لحد ما وفاتها المنيه وكانت وصيتها ليه حوريه والسبب في الي جرالها مرضيتش تقوله واكتفت بالصمت والكسره..ولأن ربنا ما اردش ليه الخلفه هو ومراته خد حوريه ورباها واعتبرها بنته الغاليه ..يمكن لو ربنا أراد له الخلفه مكنش هيحبه زي ما بيحب حوريه ..حوريه بنته هو وكان امنيه حياته متورثش العند والكبرياء من والدتها وتعيش عيشته وهو عمره ما هيبخل عنها ابدا وهيحارب الدنيا بيها علشان يعلمها .. حاول يزرع فيها كل اللي نسي يزرعه في أخته اللي كانت حاقده وكارهه علي كل حياتهم لحد ما بقت حوريه اسم على مسمى حتي لما عرف بعلاقتها بابن العمده مزعلش ولا اتضايق ولا حاول يمنعها بالعكس كل اللي عمله أنه نصحها تختار طريقها ..علشان متعاندش ويفضل هو سرها وأمانها ومتخفش منه ..علاقتهم كانت واضحه وصريحه ومريحه ودا اللي كان مريح قلبه .. رجع قرب منها وهي دموعها نزلت غصب عنها المره دي حضنها زي ما بيحضنها دايما: _ عيطي يا حوريه ، عيطي يا قلب خالك من جوا.. _ ليه ياخالي ليه هو أنا مش بني ادمه ومن حقي احب واتحب، ليه يكون نصيبى كده في الدنيا.. _ انتي ملاك يا حوريه ويستحق يعيش في جنه _ اومال ليه فريد سابني امتعض وشه واتمني يكون قدامه كان اداله روسيه في وشه بس ملحوقه هياخدها ، هياخدها.. _ بقي بزمتك حد يحب حد اسمه فريد يا حوريه ؟ بعدت عن حضن خالها وبصت لهيئته وهو بيتكلم وفجأة ضحكت وهو ضحك وحضنها اكتر.. _ والله ياخالي انت كارثه..بس تصدق انت صح ..ال فريد ال.. لا وأمه اسمها فوزيه ني ني.. _ ايوا كدا يا بت اضحكي ال فريد ال..طيب ايه رايك بقي انا كنت ناوي ابطل مزمار بلدي وابطل شغل خالص بس لما عرفت أنه فرح ابن أمه انهارده قولت لا لازم اروح واعمل الواجب معاه. عدلت من روحها وبصت ليه بنظرة غل عارفها.. _ ايه يابت هتاكليني ولا ايه؟ _ انت اللي اقترحت الاقتراح الهي باب دا صح _ اقتراح ايه ؟ _ تروح فرح ابن الك"لاب ده. _ ايوه يا حوريه _ ليه فاكرني وائل جسار هروح واقف بعيد واغني اعذريني يوم زفافك.. _ لا انتي بنت محمد الزمار احسن من وائل جسار.. _ يا خالي.. _ هي كلمه انا بنتي متنكسرش مهما كان ..ولازم اروح واحيي الليله لابن العمده وانتي رجلك الحلوه دي أن فكرت تهوب ناحية هناك هي عارفه هيتعمل فيها ايه.. اتخضت وافتكرت اخر مره خالفت كلامه وراحت وراه فرح من الافراح وغصب عنها وسطها خانها ورقصت وراه الفرح باظ بسبب عمايل الشباب وهي اكلت علقه مكلهاش حمار مش عارف يعدي مقطع من خالها وفضل مخاصمها شهر بحاله .. محستش بنفسها الا وهي بتحسس على جسمها مكان الضرب.. لوت شفايفها وهمست: _ ربنا عالظالم .. _ بتقولي ايه انتي؟ _ ها..ابدا بقول وانت عامل ايه دلوقتي ، انا اروح اذاكرلي كلمه دا انا حتي في ثانويه.. ضحك عليها وقال: _ جدعه ، شاطره يا حوريه قلبي.. ____ في مكان تاني في قصر شبه القصور الملكيه.. راجل عجوز بياخد نفسه بالعافيه ومتمسك بآخر أمل ليه في الدنيا .. _ انت لازم تبحث على بنيه عمك يا فياض يا ولدي بنيه عمك امانتك لو صارلي شي لازم تبحث عنها وتجيبها نفسي افرح بشوفتها يا ولدي قبل ما اواجه رب كريم واواجه عمك يا ولدي.. _ بس يا جدي..! _ مبسش يا ولدي، اوعدني بس _ حاضر يا جدي يتبع.. _______ الفصل الثالث: "كُنتُ دائمًا خارج السِرب ، لا أحد يعرف ما يدور في ذهني ، لا أتعمقُ مع أحد ، كأنما لي قضية أُخرى و أرضٌ أُخرى وحربٌ لا تعني الجميع " دخلت اوضتها بعد ما سابها خالها، خلعت عنها قوتها اللي بتتحامي فيها وراحت للركن البعيد في اخر الغرفه وانزوت تبكي حالها لحالها ، هي مؤمنه بالقدر، وان كل اللي بيجي من ربنا خير ورحمه..بس هي اكتفت ، وتعبت من تمثيل القوه قدامهم بس من جواها موجوعه وحاسه بالوحده فريد كان بالنسبة ليها طوق نجاتها في الدنيا عمرها ما بصت لفلوسه ولا للي عنده هي بس حبته، حبته بقوه.. _ ليه يافريد تعمل كده هونت عليك تسيبني.. ****** ببيت فياض.. حاول فياض يداري الضيق اللي ظهر على محياه بعد ما سمع قصة عمه اللي انتهت بموته حزن على مراته وبنته وقتها هو مش غبي هو كان عارف القصه بحالها بس من وجه نظر تانيه غير اللي جده بيحكيله عنها دلوقتي، كان دايما يسمع عن قصة حب عمه الاسطوريه اللي انتهت بمراته هربانه منه أو الله اعلم ايه اللي حصل معاها ومعاه، خلاها ترجع بلادها وتسيب عمه وقتها منهار وحزين.. كل اللي فاكره خناقات ووشوش مضايقه وتهديدات وخلافات بين مرات عمه وعمه الاولي .. وصلت أن الجد طرد عمه من البيت وسحب منه كل اللي كان معاه حتي إدارة المستشفيات اللي كانت تحت ايده بصفة ان عمه كان دكتور وماسكها .. عمه كان متجوز ومخلف بنتين حنين ومسار وفجأه اكتشفوا أنه متجوز مصريه وعايشه هنا معاه بكل جرأه ولا حد يعرف لحد ما اكتشفوا أمرها وطبعا أتدخل الجد وفرقهم علشان بنت اخوه المصونه وبناتها ميزعلوش ويدمروا، وطبعا بالاتفاق والضغط عليه انتهت الحكايه ورجع عمي شبه ميت للبيت ورحلت مراته وخدت بنته معاها أو هربت منه زي ما سمع وهو صغير، ومن وقتها وعمي فضل صحته في النازل لحد ما فارق الحياة..بعد ما جاله خبر موت مراته بأيام. ومن وقتها وجده حاسس بالذنب وطريح الفراش ولاول مره يصرح باللي عمله زمان وتهديده لمرات عمي المصريه اللي خلاها تاخد بنتها وتهرب وتسيب عمي يواجه قضاه لا والأهم أنه هو اللي ساعدها تختفي من عمه وترحل لآخر الدنيا .. فاق على صوت جده اللي بيخرجه بالعافيه: _ فياض..انت ساامعني يا ولدي _ ايه جدي سامعك، أمرك يا جدي اللي تبغاه.. _ الله يسعدك يا ولدي كنت خابر زين انك عمرك ما راح تخذلني، امسك يا ولدي.. _ شنو هذا يا جدي؟ _ هنا هتلاقي كل اللي تبغي تعرفه عن بنيه عمك، انا من فتره كلفت المحامي يتعسس وراها لحد ما جاب لي الخبر اليقين البارحه .. بص فياض لجده شويه لدرجه ان جده خاف من نظرته اللي بتخترقه مهما ينكر فياض شبهه بكل شيء ، واخد منه كل شيء وذكاءه ودهاءه يخليه يكشف اي حد في لحظه _ شو صار يا ولدي ؟ فضل باصصله فياض لحد ما ابتسم بسخريه علي حركات جده واللي لسه مصمم عليها. _ تقصد بشنو يا جدي اتعسست عليها مو انت اللي بالبدايه مسرحها لزوجة عمي وعارف وين أراضيها..لا تتذاكي عليَّ جدي..! _ فياض اني.. _ لا تحكي جدي خلاص خلص الحكي بنية عمي أني بتكفل بيها فيك ترتاح من هلا ورايح.. _ بعرف ما راح تخيب ظني فيك فياض.. ابتسم فياض برزانة ولسه هيسيبه ويقوم ، ومش عارف ياخد قرار، وهو محتار هل فعلا هجيب البنت دي اللي بجيتها هتشعلل النار من تاني . حس بايد جده اللي حطت على ايده بحنيه وكأنه فاهم اللي بيفكر فيه: _ انت جدها يا ولدي وانا لو مش عارف انك جدها مكنتش جلتلك انت بالذات..دي مهما كانت لحمنا يا ولدي، سامحني فياض بعرف الغلط عندي من بداية القصه بس كان الغضب عامي عيوني ومش قادر افكر يا ولدي .. غمض عنيه وهو حرفيا مش قادر يسمع لشيء تاني ولا يسمع اي مبرر لاي حد، بعاداتهم وتقاليدهم النساء خط أحمر لا بيغدروا ولا بيخونوا وإذا كان الحكم رحيل زوجه عمه كان من المفترض تفضل بنية عمه وياهم .. لأنها مهما صارت من لحمهم ودمهم ..لكنه اتفاجيء باللي صار ومو جادر يغفر لجده خطيته هذي ..باس ايد جده وقام بعد ما أكد عليه أنه هيتكلم مع المحامي اللي هياخده لمكان بنت عمه في اقرب وقت من دلوقتي .. _ بس قبل ما يخرج من الغرفه ناداه الجد وقاله بتردد وخوف استشفه فياض _ فياض _ أمرني جدي _ الله يرضي عليك يا فياض يا ولدي عطيني وعد انك مهما حصل معاك هتعذر وتفتكر اني جدك السبب في اللي وصلتله بنت عمك ياولدي. _ ايش تقصد يا جدي؟! _ هاا ولا شي يا ولدي بس اني خابرك زين عصبي ، دامك حامي كيف المراجل يا ابن الحلال..وايه كلمت المحامي راح ياخدك لمكانهم الليله وهلا بينطرك بالطياره الخاصه يا ولدي. أتعجب فياض من سرعة جده وكان هيرفض وياخد موقف من التسرع ده لكن نظرة الرجاء اللي شافها في عيون جده خلته استسلم خصوصا أنه عارف أنه بيقضيها ايام وقال: _ اللي تبغاه جدي راح يصير . خرج فياض بعد توصيه جده ليه وحاسس أنه تايه مش مستوعب بس كان لازم ينفذ اللي بيقولوا عليه، وهو بيدعي ربنا أن الأمور تعدي على خير.. _ الله يجرنا يا جدي، الله يجيرنا من شو مخبي تاني .. _____ على ناحيه تانيه حوريه قررت تنتقم لوجع قلبها وغدر ابن العمده بيها بعد ما وعدها بالجواز كل السنين دي حست انها رخيصه اوي في نظره، هو سهل كده الواحد يبيع الحب بالسهوله دي وتتفتت الوعود وتتبخر كأنها كانت سراب وتطير في الهوا اتنهدت وافتكرت حكاية أمها اللي كانت السبب في وجودها عالدنيا وفي لحظه انقبض قلبها وحست ان حكاية أمها شكل حكايتها بس امها ماتت من الهوى والعشق وهي استحاله توصل للمرحله دي ابدا هي اقوي من كده ..اقوي من اي ظرف ووجع زي ما خالها علمها ورباها..هتكون جبل وهتعدي وتلتفت لمصلحتها.. وقفت قدام مرايتها وبصت لنفسها بفخر واعجاب ..قد ايه هي جميله ودا مش غرور فيها هي فعلا جميله بروحها وشكلها ، بصت لنفسها بخبث، وهي مبسوطه جدا من نفسها، ومن لبسها ، مفكره انها بالطريقة دي بتنتقم بس متعرفش انها بتنتقم من نفسها، افتكرت كلام خالها للحظه جسمها ارتجف، بس رجعت تاني شجعت نفسها ، عشان تنتقم لروحها لازم تضحي بنفسها انهارده وتستلقي وعدها.. مخها الصغير هيأ ليها كدا.. انتهت وقربت من الباب علشان تخرج بس فجأه حست بايدين زي الكلبشات قبضت على رسغها: _ رايحه فين يا حوريه؟ ابتلعت ريقها بخوف ودورت وشها ليه وفجأة … _ اناااا يتبع… ________ الفصل الرابع: _ على فين يا هباب البرك انتي ! يا مُرك يا شوقية! ايه يا بت الهباب ده اوعي تكوني بتفكري تروحي تهزي وسطك ورا مزمار خالك في فرح ابن العمده..؟! بصتلها حوريه بعيون زي عيون القطط، ال يعني بريئه وقبل ما تنطق جابتها شوقيه من شعرها الطويل الناعم وهي بطوحها شمال ويمين.. _ نهارك مش فايت يا حوريه يبقي نوياها يابنت الخايبه وليلتي وليتك مش فايته نسيتي ياللي تنشكي في بطنك اخر مره عملتيها فاكره ولا جسمك برد من العلقه اياها.. _ سيبني يا شوقيه مهما تعملي فيا هروح ارقص في فرح ابن الخايبه العايبه دا بردو..لازم أجرس أمه وافرجه ابن المنكوبه ده.. _ اه يا سا"فله .. _ سيبيني يا شوقيه زادت حدة مسكتها من شعرها وهي علي وشك تلطم خدها من عمايل حوريه فيها وياريتها بتتعاقب لوحدها لا دا خالها بيعاقبها معاها واخر مره عملتها كلوا الاتنين علقه مو .ت لسه أثرها معلم على جسمهم بس تعمل ايه في بنت الخايبه اللي قدامها.. _ منك لله يا حوريه ، بس لا مش هسمحلك ابدا المره دي كل مره تضحكي عليا..وانا الخايبة اللي قلبها بيحنلك .. سابت شعرها وقعدت تنهج مش قادره تاخد نفسها ضربت بايدها علي ركبها بحركة شعبية .. _ هتجيبي اجلي بعمايلك ..منك لله يا حوريه ضربت حوريه الأرض برجليها زي الأطفال ورجعت تتمحك فيها و تتحايل عليها وتقولها أنها اخر مره وأنها لازم تساعدها . فضلت نص ساعه تتحايل عليها بكل الطرق وهي بردو مصممه علي موقفها لحد ما قررت حوريه تشغل دماغها وتهرب منها..معدش وقت ولازم تنفذ خططتها وتفضح ابن العمده وسط الناس كلها. وفعلا في لمح البصر كانت حوريه لفه نفسها بعبايتها السمرا وخرجت جري علي برا ومرات خالها وراها بس حوريه كانت اسرع منها ..بصت وراها وضحكت على منظر شوقيه وقالت: _ تعيشي وتاخدي علق على حسي يا شوقيه.. _ يالهوووي..يختاااي.. الحقوني يا خلق ، خدي يا بت ياحوريه، والمصحف لاطفش واسيبك يا حوريه الغم والهم .. _ اه يااااني.. فضلت تجري وهي بتضحك والحماس واخدها وهي بتبص كل شويه على شوقيه اللي بتندب حظها لحد ما لبست بوشها في شيء صلب من قوة الخبطه محستش بلسانها واللي بتقوله: _ اه يا بن…… _____ فاق فياض على صوت المحامي المرافق ليه في رحلته العجيبه دي من اول النهار رحله عجيبه فعلا زي ما بيشبهها مش قادر يقتنع للان باللي بيحصل وان فجأة تخرجله بنت عم من تحت الارض وللاسف ملزم بيها.. _ وصلنا يا فياض باشا.. بص للمحامي بضيق ورجع بص حواليه بعجب من المنطقه العشوائيه اللي وصل ليها وسأله: _ وين احنا ؟ _ دي منطقه ريفيه يا فياض باشا بصله بضيق اكبر وقاله : _ ايش كان بيها لو قمت انت بالمهمه دي وجيتني بيها..ولا هي تحكمات عجيبه.. اتاسف المحامي ليه للمره التانيه وهو بيقوله ان كل دي أوامر جده واوامر الجد واجبة النفاذ..وهو مأمور بيها.. زفر بغضب ونرفزه ومشي ورا المحامي وهو بيعدل من وضع بدلته ونظارته ..اللي حاسس انها مع كل خطوه بتتلوث اكتر .. _ اااه.. يدوب مشي خطوتين ولسه هيخطي التالثه قنبله موقوته لبست في وشه.. _ اااه ايش بيصير.. كان هيقع على ضهره من القطر اللي داسه من غير محطه دا .. _ غبيه انتِ.. _ انا غبيه يابن العايبه.. _ ايش... جلتي! يتبع.. _____ الفصل الخامس: بيقولوا العمر زي القطر يا تجري وتلحقه وتستمع بكل محطه فيه يا تمشي براحتك وتضيع متعة الرحله بحالها..وانت فاكر انك بتتأني.. وهي كانت جريئه في كل شيء ، اتربت وعاشت أن الحياه قرار، ورغم صغر سنها هي كانت عارفه عاوزه ايه واللي بتقرره بتنفذه من غير حوارات .. _ شو بيصير، غبيه انتِ؟ قالها فياض وهو بيبعدها عنه كأنها جربه وبينفض هدومه اللي كأنها اتلوثت بقربها منه.. بيتمتم بكلمات مش مفهومه بالنسبالها . كانت ناويه تهزقه بس فجأه وقفت تتأمل في شكله وهيئته اللي لفتت انتباهها .. _ يا ندامتي الراجل بيكلم نفسه.. فاق علي صوتها وكان الغيظ اتملك منه ومش طايق نفسه من اللي بيحصله بصلها من فوق لتحت ولسه هيتكلم لقاها بتصرخ وواحده ست مسكاها من عبايتها.. _ مسكتك يا بنت الخايبه وديني ما انا سيباكي يا حوريه عاوزه تفضحينا وترقصي في فرح ابن العمده.. _ سيبيني يا شوقيه انبسط منك لله يا عامود النور انت اهي مسكتني بسببك! الصدمة لجمته وهو حاسس أنه في سيرك أو بيتفرج على مسرحيه مش باين معالمها..فاق وقبل ما يتكلم ويرد عليها كانت فرت من ايد الست ورجعت تجري وتخرج لسانها . _ ايش هاد.. _ يا مرك يا شوقيه..الحقني والنبي يسترك يا عامود النور والحقها وهاتها .. _ ايش جِلتي…! ______ يتبع.. ____ الفصل السادس: في الفرح انسحبت ودخلت لمكان الفرقه اللي رحبت بيها وقدرت تقنعهم ان خالها عارف باللي هتعمله..كالعاده ملكة الحوارات وقال وقولنا.. _ أنتِ متاكده يا حوريه؟ _ عيب يا زُمل يالا بقي خالي بدأ.. _ ربنا يستر وميطلعش مقلب من مقالبك كالعاده ..ونتنفخ وتقطعي عيشنا .. قالها كده واحد في فرقه المزمار اللي شغال مع خالها..اللي متربي مع حوريه .. عدلت من بدلة رقصها واتاكدت انها ساتره كل جسمها على قد ما تقدر مش كفايه انها تهز وسطها لك"لاب السكك ..كان نفسها تبطل وترجع عن اللي في دماغها بس شيء كان بيجبرها تكمل.. فاتاكدت أنه مش بايدها ابدا دا بايد القدر.. وعجبي.. _ حوريه يالا يا حورية الشادر اتملي والعريس والعروسه وصلوا والمزمار اشتغل.. غمضت عينيها بتحاول تمنع دمع قلبها وتبلع غصة حلقها وهي بتفكر هتخرج ازاي تواجه حب عمرها .. خدت نفس وقالت لست بتشتغل معاهم _ العريس شكله حلو وهو عريس يا خاله رابحه. _ كيف البدر ، عريس بقا عقبال ليلتك يا حوريه بعد شويه انطفأ الضوء وهدي المزمار وعنين العريس زاغت في كل ناحية مع أول رنة خلخال من حوريه.. كانت قاصده كل خطوه عارفه هتضرب ازاي وفين هي أبدا عمرها ما كانت جاهلة هي عارفه خصمها كويس وعارفه هتضرب بأي ناحيه.. جسمه ارتعش، الخوف ملاه بيحبها وبيعشقها ووصل لدرجه الجنون بس مقدرش يقف قدامهم ويطالبها جبان وهو عارف دا كويس.. رجع لورا اول ما شافها روحه كأنها بتطلع وهو بيغرق في شبر مايه.. شفايفه بتهمس اسمها مع كل رنه من خلخالها في أقصي أحلامه متخيلش أن يكون فرحه على غيرها هي كل أحلامه واللي اتمني يكمل معاها اللي بقيله في الدنيا، كان دايما يحلم بيها وهو شايلها وطاير في فرحهم مد ايده يفك الكرفاته اللي خنقته مره واحده ، بياخد نفسه بالعافيه كل أحلامه اتدمرت في لحظه واحده بس كانت كفيله تهد الدنيا.. اول ما عين خالها وقعت علي حوريه وهي بتتمني الأرض بتتشق وتبلعها.. لسه خالها هيرمي المزمار كانت الشباب وخناقهم على حوريه بوظ الدنيا وفي لحظه انقلب الفرح وقفت تبص حواليها بصدمه وكله بيضرب في كله والستات بتصوت.. خالها بيحاول يوصلها وبيصرخ عليها بس مفيش فايده مش عارف يوصلها.. لحد ما صرخت بقوه وايد بتحاوط خصرها وتقفل بوقها … _ اااع… _ اخرسي يا وجه النصايب خلينا نخلع .. ______ السابع . _ وسعت عيون شوقيه اول ما عرفت الاتنين الغرب بيدوروا علي مين وجايين لمين _ يعني انتوا جايين لبيت محمد سلطان الزمار خال حوريه . _ مين هي حوريه ؟ سال فياض بقرف وهو بيبص للمحامي اللي هز رأسه وقاله دي بنت عمك اللي جايين لها.. هز رأسه بلا مبالاه ومفقش غير على صوت شوقيه وهي بتقول.. _ دا انت وقعتلي من السما انت لازم تلحق حوريه..هتنيل الدنيا انتبه فياض لكلامها والخوف دق قلبه وقال: _ أنقذها من شنو ؟ شو بيها حوريه؟ قبل ما تنطق كانت صوت الصراخ مالي الدنيا _ عملتيها يا حوريه..يا مصيبتي السودا.. جريت وفياض والمحامي وراها لحد الصوت اللي مكنش بعيد عن مكان وقوفهم الا بكام خطوه.. وهنا عين فياض وسعت على اخرها وشوقيه بتشاور علي حوريه _ اهي بنت عمك الحقها ابوس رجلك _ بنية عمي مين؟ _ اهي اللي لابسه بدله رقص يا عم خلصنا.. _ ايش..رجاصه! ______ ضرب وزعيق وتكسير وستات بتصوت وايدين واحده ست عارفاها كويس كانت مصممه انها تجيبها من شعرها وبتقولها.. _ بوظتي فرح ابني يا غازيه يا بوز الأخص ، ايوا هي دي فوزيه الغلاويه ام فريد اللي بوظت الدنيا..كلامها خلاني اتجننت ودماغي فارت، وقولت لنفسي يا بت هيا كده كده خربانه مبدهاش بقي، بعدت لورا شويه واستعديت بكل قوتي وغل الدنيا في قلبي منها ومن ابنها عرة الرجاله ، وانقضيت عليها بقبضتي الفولاذيه.. وهاتك يا ضرب وهي تصوت وانا اديها..اكتر ومن بعيد لمحته واقف مصدوم ومش عارف يتحرك هو فريد العريس عريس الغبره اللي ضحك عليا وسبب أساسي لليله ديا ، ما هو يا انا يا مفيش يا ابن فوزيه .. لمحته ملامحه اتغيرت ولقيته جاي ناحيتي وعينه مش مصدقه اللي انا بعمله في أمه أو مش عارفه في ايه الصراحه بس مهتمتش كده كده الحكايه خربت وجابت آخرها معايا..ويا نعيش عيشه فل يا نروح في داهيه احنا الكل … الغل بيزيد جوايا وانا عماله اديها بالروسيه، وقبل ما ايده تمسكني ويزقني من علي امه وهو واضح في عيونه الغل والشر ليا كانت في ايد تانيه سابقاه وضرباه بالبوكس وقع على ضهره من مكاني سمعت صوت تكسيره عظامه .. لكن مهتمش ورجعت لفوزيه اللي عماله تصوت على ابنها وعلى جوزها وقبل ما ايدي تلمس شعر فوقية الغلاويه لمحته.. ايوه هو..ابو بدله كحلي الحليوه اللي لبست في خلقته من شويه لسه هتكلم وفتحت بوقي لقيت صوت خالها بينادي عليها * حوريه * مهتمتش ورجعت اكمل بس المره دي كانت ايد قويه بتمنعني وكأنها قيدتني في ثانيه ، ادورت اشوف مين دا وياريتني ما ادورت شهقت برعب وانا بقوله/ * سيبني يا بن الهطله انت افش غلي من ابن المفتريه.. يتبع —------ الفصل الثامن/ _ ايش جلتي؟! _ بقولك سيبني يا جدع انت.. تاك حنش يلهفك.. _ جدع، انت..حنش..ايش هالقاموس الرديء اللي فتحتيه هاد.. هز فياض رأسه بيأس وهو واقف قدام مرايه الحمام اللي في غرفه الفندق واحداث اليوم واللي مر بيه لسه مش عاوز يفارق دماغه ولا قادر يستوعب الحال اللي لقي عليه بنت عمه، ولا ردت فعلها بعد ما انتهت المهزلة اللي شهدها ..لقطه لقطه..جسمه بيقيد نار عاوزه تحرقها وتحرق جده وعمه اللي كانوا السبب في اللي وصلتله المنحله بنت عمه.. المهذله كانت مش في مخيلته ابدا علشان كده مقدرش يكملها وانصرف بصدمته قبل ما يقتل حاله ويقتلها معاه..ويخسر نفسه دنيا وآخره واكتفي بأنه قال لخالها ومرات خالها أنهم يخلوها تجهز حالها وتتهيأ للي داخله عليه من سواد أن شاء الله على أيديه مش ايد حد تاني .. كل ما يفتكر منظرها وهيئتها وهي بتهز وسطها قدام الشباب والرجاله والستات ميقدرس يمسك نفسه ويحس أنه عاوز يرجع يقت"لها ويخلص.. بس يرجع يفتكر خالها واللي عمله فيها بعد ما رجعوا بيتهم، وان لولا حاشه عنها كان ق"تلها وخلص منها هو كمان بس اول ما نزلت دموعها صعبت عليه رغم لسانها اللي زي المبرد ، ناره تبرد شويه بس مبتهداش ضرب بايده الجدار جنبه وهو بيضغط على سنانه _ بنت..والله يا حوريه راح عيد تربيتك والله لربيكي يابنت عمي.. الله يلعن حظي اللي جعلني ابن عم لمُنحله مثلك .. دلوقتي بس افتكر كلام جده ورجع الغيظ والغضب يتملك منه ، معقول جده كان عارف طول الوقت بحال بنت ابنه وما ادخل يمنع المهزله دي، طبعا كان عارف والا مكنش قاله اللي قاله قبل ما يمشي .. _ اه يا ويلك يا جدي مني إذا صدق حدسي.. وانتي يا حوريه صبرا عليَّ رن تليفونه بصلة بضيق وبعدين جاوب وهو بيدعي ربنا يصبره : _ خير مرت عمي؟ _ فياض ولدي انت هتنفذ اللي جدك يبغاه حقيقي ؟! _ وايش اللي جدي يبغاه افهم؟ _ لا تلف وتدور عليّ يا فياض راح تجيب بنت المصراويه لعنا.. مسح فياض على رأسه وهو بياخد نفسه بغضب من مرات عمه والعيله بحاله لا وكله كوم والكارثه الجديده اللي حلت علي رأسه كوم تاني.. نفخ بضيق وهو بيفكر انها عمرها ما هتبطل تتجسس عليهم هتفضل طول عمرها فيها نفس ذات الصفات اللي بسببها كرهها عمه كل مره بيشوفها وبيتصادم معاها يتأكد أن عمه كان ليه حق يكرهها.. _ فياض! فاق من سرحانه وضيقته من أفعالها على صوته.. _ ايش تريدي يا عمه..؟ وبعدين كيف بتسترجي تتصنتي على حديتي مع جدي؟ _ هادا مو جواب سؤالي فياض لا تشتتني. _ أنا لا بشتتك ولا شيء وجواب سؤالي مش محتاج تفكير _ بتقصد شنو ؟ _ راح تعرفي بعدين مرت عمي _ فياض لا تتلاعب فيني قلت هالبنت ما راح تجي عبيتنا أبدا ولا راح تكون اخت لبناتي ولا تشاركهم ابدا ما ورثوا ابدا فياض واعتبروا تهديد مني لم ينصت إليها اكتر يكفي ما به وهو ليس لديه وقت لترهات النساء.. زفر بغضب وهو يشعر بأن الجميع يضغط عليه..حتي قصة ابنه عمه هذه باتت تشكل عبئا عليه وعليه أن ينتهي من هذا الأمر بأقرب وقت.. ويضع كل واحد بمكانته. . *** ببيت خال حوريه.. _ فضحتينا وارتحتي يا حوريه ، منك لله يا حوريه ، امشي انجري لمي هدمتينك وجهزي نفسك علشان هتروحي مع ابن عمك انتي مش هتقعدي معايا تاني ثانيه واحده. شهقت حوريه بصدمه حقيقي، لأنها مهتمتش للحظه باللي اتقالها ولا اهتمت أن فعلا طلع ليها عيله ولا حتي أن الموز قريب لها ، ولا انها اصلا طلعت من عيله متريشه ، عمرها ما فكرت ابدا في كده حتي بعد اللي حصل واعتراف الراجل الغامض المغري ليهم .. مهتمتش ابدا حتى بتهديدات المز الوسيم ولا حلفناته أنه هيعيد تربيتها.. -علي جثتي اروح مع طويل العمر دا ابدا .. - وماله يبقى على جث"تك يا حوريه.. قالها خالها كده بلا مبالاه وسابها ودخل.. اتسعت عينيها بصدمه وجريت وراه وقالت/ _ خالي انت بتهزر صح؟ لوي خالها وشه بعيد عنها وهو فعلا جاد بكلامه حوريه مش لازم تبقي معاه بعد كده مش علشان حاجه الا لمصلحتها : _ لا مبهزرش وفزي قومي يالا حضري حاجتك علشان ابن عمك جاي بكره ياخدك.. فضلت ساكته بس ضيقت عنيها وبردو مهتمتش كانت مراهنة نفسها دائما علي خالها ونقطه ضعفه، وهي حبه ليها الغير مشروط.. عارفه أنها مش بتهون عليه ابدا، فكرت أنه بيقول كلام من ورا قلبه بيهددها بيه بعد المصيبه اللي عملتها زي كل مره بيقعد يحلف ويتوعد ليها أنه يعاقبها وآخره في العقاب يومين وبضحكه منها وكلمه اسف بيروق ليها.. دخلت اوضتها ونفضت كل حاجه بتفكر فيها ورجعت تفكر في فريد ووطاوته معاها وندالته وقهرتها منه، جزت على سنانها وهي بتدعي عليه في سرها بحرقه: _ منك لله يا فريد الك"لب الهي تتفضح يا بعيد ليلة الد*خله..وفضيحه تسمع في كل الحته.. اه يا اني يا غلبي… ضربت بايدها على رجليها وهي بتكلم نفسها بغيظ: بردو مفشتش غلي فيكي يا بن الورمه.. وكأن ربنا استجاب ليها … _________ في بيت فريد هيصه ولمه وفضيحه كبيره اتسببت فيها حوريه بعد اللي حصل وضرب الكل في بعضه حتى العريس مبقاش فيه حته سليمه غير الهمز واللمز أن العروسه معيوبه والعريس هرب منها..ودا بسبب إشاعة حوريه اللولبيه قبل ما تخرج بين الستات اللي انتشرت زي البرق.. لطمت أمه علي خدها مره واتنين وهي سامعة الصوت اللي طالع من برا البيت صوت الناس اللي عماله تعيد وتزيد في الكلام.. لازم تدخل عليها دخله بلدي يا ولدي؟ _ ايه …ازاي؟ لاحظت فوزيه رعشه جسم ابنها اللي واقف قدامها من كتر الضرب مش قادر يصلب طوله وكأنه سكران حقيقي.. _ ما تفوقلي كده يا خيبتها واسمع اللي بقولك عليه البنت دي لازم تتم دخلتك عليها دلوقتي علشان تخرس الالسنه دي كلها.. _ يا امه بس..انا.. كان بيقطع في الكلام لحد ما نزل رأسه بخيبه تقيله حست بيها راويه وعرفت أنه فعلا هينفذ كلام امه الخبيثه . وسعت عين راويه العروسه وارتعش جسمها ورجعت لورا بخوف، وهي شايفه أن السحر انقلب عالساحر و سعادتها بالفوز بفريد العره وشماتتها بحوريه بعد ما عملت المستحيل علشان تأخذه منها انقلب لضدها.. رجعت لورا بخوف وهي بتبرق بعنيها وبتهز راسها ليهم: _ مستحيل انت مش هتعمل كده يا فريد صح؟ بصلها فريد بلامبالاة على وشه ورجع لف بظهره لورا وفي نيته يسيبهم يولعوا في بعض، ساب أندمه تتعامل وتمشي الأمور على مزاجها مخدش باله أبدا من اللي انسحب الدم من وجهها و بدأت تهزي بهستيريا .. _ لا..لا انتوا مجانين اللي هيقرب مني هقت.له انا استحاله اسيبكم تعملوا فيا كده..وفضلت تسب وتلعن فيهم وفي اليوم. اللي اتجوزته فيه.. صوتها كان مسموع لكل اللي في دوار العمده.. لحد ما صرخت حماتها فيها _ قلت اخرسي ، مسمعش صوتك فضحتينا يا وش الفقر انتي وقدم الشوم علينا .. شاورت راويه علي نفسها ودموعها نازله : _ انا اللي وش فقر.. لوت حماتها شفتيها وهتفت بغيظ: _ ايوه بوز خراب حاكم ما هي بتبقي اقدام يا حبيبتي وانتي واضح من قدمك علينا ، بوز نحس وشوم.. و اسمعي أما اقولك يا بت انتي اللي وصلني واللي بيدور برا ويتقال عليكي لازم اتاكد منه والا قسما عظما ارميكي برا راميه الكلاب واخلي ابني يطلقك ويرمي اليمين عليكي حالا وافضحك فالدنيا بحالها.. واقول انك معيوبه.. برعشه في صوتها قالت: _ وصلك ايه يا خالتي والله ما حد لمسني صدقيني دي اكيد حوريه الي حبت تشوه صورتي بعد جوازي من ابنك الي سابها.. ومعبرهاش _ لا مش حوريه مقصوفه الرقبه المره دي دي حد تاني بس بردو هنتأكد.. يالا يا حرمه منك ليها. كتفوها وطمنوني عليها.. حاولت بكل الطرق تصرخ ولا تفلت من أيديهم لكن مقدرتش زادت من صراخها والنسوان مكتفاها من ايديها ورجليها وفريد في الغرفه التانيه شارد في حوريه واللي عملته وفي اللي مروا بيه وخذلانه ليها لحد ما فاق علي صرخه جامده من راوية انتفض بعدها زي اللي لدغته حيه..وهو بيفكر أنه ميستحقش حتى لقب راجل بعد اللي سابهم عملوه فيها هي كمان..بس مش بايده مش بايده ابدا.. لان علته كبيره.. غمض عنيه وكتم ودانه بايده وهو سامع صوت ضرب النار بعد ما رمت امه المنديل برا من شباك الأوضه علشان تثبت شرف مرات ابنها ورجوله ابنها وتخرس الالسنه اللي بتحكي وتتحاكي عليهم.. بوجع بقلبه همس : _ سامحيني يا حوريه.. سامحيني…. _______ في اوضة حوريه قاعده وعلى رجليها سيرفيس ملته بالمقرمشات الي بتحبها وبايدها موبايلها بتتفرح على التيك توك وبتغني بمرح، قررت تضرب الدنيا بحالها طناش ومتفورش دمها ، كل شويه مرات خالها تدخل تخبط كف على كف وهي بتتامل برودها ولا مبالاتها لحد ما سمعت دق على شباك اوضتها اللي بتطل عالارض الزراعيه من ورا.. انتفضت وقامت تجري تفتح الشباك لقت شوق صاحبتها كالعاده.. _ حوريه بت يا حوريه الحقي يابت.. _ مالك يابت في ايه علطول متسربعه كده.. _ عندي خبر ليكي بمليون جنيه؟ انتبهت حوريه بكل حواسها ليها _ خبر ايه ده قولي بسرعه . بصتلها شروق بغيظ ، وقالتلها : _ طب هاتي الزفت الكرسي اطلع عليه وادخل.. اتاففت حوريه وهي بتقولها : _ في اختراع اسمه الباب على فكرا.. _ استعملته على فكره وخالك طردني وقالي غوري انت السبب في فساد بنت اختي ميعرفش اني مظلومه وانك تفسدي قريه بحالها.. _ طب ادخلي يا حلوه حسابنا جوه.. سحبتها حوريه بغضب وقعت عالكنبه قدامها ونزلت حوريه فوقها تضـ رب فيها لحد ما نطقت شوق باللي خلاها تنتبه وكلها إذن صاغية: شوفتي اللي حصل في راويه.. من فوزية الغلاويه.. _ ايه اللي حصل يا بت يا شوق انطقي.. _ بيقولوا أنهم … _ يالهوي ايه ليه؟ هو في حد لسه متخلف كده؟ لوت شوق بوقها : _ اللي يشوفك ويشوف خوفك ميعرفش انك انتي السبب يا حوريه.. _ ايه انا السبب في ايه وانا اللي كنت قولتله اطلع عُووره.. _ هو مين ده اللي عوره يا حوريه، وانت يا بت انا مش طردتك دخلتي ازاي؟ _ يا فضحتي، قفشنا… ________ الفصل التاسع: مش قادر يتحمل اكتر من كده حاسس دماغه هتنفجر من كتر زنها وبكاها من ساعة ما ركبوا العربيه اللي خرجتهم من البلد الي عايشين فيها للمطار وحتي بعد ما ركبوا الطياره وهي مش مبطله زن وعياط كانها دفنت حد عزيز.. بصلها بغيظ وهي بتبكي زي الاطفال وبترجع تمسح دموعها في المنديل وترميه بعشوائية قدامها ولا قادر يتخيل أنه هيقضي باقي عمره مع البني ادمه العجيبه اللي تفور الدم في لحظه..ولاول مره يدعي على عمه في سره وهو بيقول.. الله يسامحك يا عمي جيبتلي للحياه بلوه وكارثه.. اتنفس بهدوء وهو بيحاول يتحكم في نفسه وخصوصا بعد مكالمة جده اللي حلفه فيها أنه يعاملها كويس ويستحملها وأنه السبب في اللي وصلتله بتخليه عنها.. ملهاش يد أنها عاشت واتربت علي عادات عجيبه.. _ انت يا اخينا بصلها بذهول وشاور على نفسه وهو مش مصدق اللي شايفه، هو مش غبي هو عاش في مصر طول فترة دراسته ودايم يتردد على مصر وبيعرف يتكلم مصري أحسن منها كمان ، وعارف اللهجه كويس بالعكس كان طول الوقت يتكلم بيها مع اصدقائه وأصحابه المصريين.. كان لسه بيبصلها بدهشه عجيبه من أسلوبها اللي ميلقش بكتكوته زيها.. ولا لايق حتي على براءة وشها الملائكي ده.. كان هيضحك وتفلت منه ضحكه وهو شايفها بتبرطم ومش طايقاه ولا طايقة نفسها.. بس همس في سرة : _ الله يهديك ويصبرني .. فجاه سمعها بتقول… _ اوف هو اخرس ولا ايه، ياكش يجيلك شوطه ونخلص منك قبل ما نوصل علشان ارجع لابن الجز.مه ابن امه ده اوريه مين حوريه.. اه يا انا يا غلبي لسه مفشتش غلي .. كان فاهم معني كلامها وعارف بتقصد مين بعد ما حكاله خالها كل حاجه ، جز على أسنانه ومش عارف ليه الغيره نهشت قلبه يمكن لانها جريئه وعندهم جرأة البنت مش مسموحه، هي عرضه وشرفه واستحاله يفرط فيها.. ومش مسموح لها ابدا تعمل اللي بتعمله ده وفي عرفه تستاهل الرجم. جز علي سنانه وهو بيهدي نفسه ويحط لها اعذار لأنها لا تربايتهم ولا اتعلمت حاجه عن عاداتهم القبليه ودا كفيل يشفعلها أو مش عارف ليه حاسس أنه بدأ يحطلها اعذار .. سرح شويه وفجأة فاق علي صوتها: _ يا حاج انا بكلمك . نفخ منها: _ ايش تريدي..؟ رد عليها وهو بيتأفف وزهقان من نفسه ومنها وكل اللي بيحصل معاه.. حطت حوريه أيدها بجنبها بحركة عشوائية وقالت بغيظ وبصوت عالي بالنسباله: _ ناااااعم…انت بتكلمني كده ليه أن شاء الله ومالك عاصر على وشك لمونه وانت بتكلمني كده ليه، الله ينفع كده… وسعت عيونه عالاخر وفجأة قرب منها فخافت ورجعت لورا..…. _ ايه يا كابتن الكباتن كلها انا زعلتك في حاجه..اهدي كدا .. مردش ، ثابت وعنيه بتبصلها زي الصقر خافت منه اكتر وارتعبت _ كااابتن.. رجعت تناديه بخوف اكبر لكن هو قاطعها و….. ____ الفصل العاشر: _ ايه يا شبح هتقتلني ولا ايه ؟ _ اخرسي يا بلوه والا قسما عظما ادفنك حيه.. _ ايه تدفني حية ، ليه انت شايفني فرخه؟! كانت بتكلم حاسه انها مش مستوعبه ومش مدركه سبب كلامه، بس مهتمتش .. رجعت سندت ضهرها وسرحت بدماغها تفكر في اللي جرالها، وسبب وجودها مع اللي ينشك في معاميعه اللي قاعد جنبها.. فهديت ملامحها واستكانت رغم أنها كانت بتغلي من جواها.. بس ملحوقه… هتنتقم بس مش دلوقتي.. بعد ساعات لقت حد بيزوقها بكتفها فاقت وانتفضت : * ايه في ايه حد بيصحي حد كدا . * وصلنا فوقي حالك قال كدا وسابها ومشي وهي زي التايهه، او ممكن زي الهبله ماشيه وراه وفي ديله.. كل حاجه كانت سهله وسلسه تماما لحد ما وصلنا للقصر في المكان اللي حواليه رمال وكأننا في الصحراء ولا في سيناء ..مكان كل اللي شافتهم فيه لابسين جلاليب ابيض في ابيض وعلى رأسهم عقال كانت بشوفهم في المسلسلات بتاع الخليج وابقي منشكحه اوي عيني وسعت وقلت يا ابوي دا ولا كأني في فيلم ولا مسلسل بس مش فاهمه منه حاجه.. على قد ما كنت مضايقه من فراق خالي اللي مش هيدوم أن شاء الله لان متاكده من قدراتي واني مش هعمر أن شاء الله وهرجعله دلوقتي مش حاسه اني حزينه سيكا كل حاجه من بعد دخولي للقصر دا عدت في ثانيه زي البرق جد عجوز ملهوف عليا، وستات بتبص عليا بغل وحقد، وتوعد مفهمتش معني نظراتهم ليا غير بعد ساعه تقريبا.. او بمعني اصح بعد ما اختفي طويل عمره من الأجواء في ثانيه . لسه هطلع اريح لقيت اللي بتشدني من هدومي وبتقول: _ أنتِ يا مصراويه ايش جابك هنا؟ _هااا _ اتركيها أمي تفرحلها ساعه لان اللي راح تشوفه هنا راح يكرهها في الدنيا.. __ هااا _ عديم كرامة؟ _ ها _ بلا اخلاق.. _ هاا _ اووه شو عنا مزز ليش ما حدن خبرني؟؟ _ ها.. _ ششش جفلي خشمك ما بتعرفي غير كلمت ها.. _ هااا. _ شنو هالغبيه يا الله؟ _ هااا كانت بتبص وتنقل عينها بينهم واحده واحده وكل واحده بترميها بكلمة هي مش غبيه هي فاهمه كل حاجه، بس حاسه انها في صدمه ..أو في حالة لا مبالاه من كل الدنيا من ساعه ما خرج طويل عمره وجدها اللي باين عليه المرض هده دخل جناحه زي ما بيقولوا وهي كأنها في دوامه ملهاش اول ولا اخر، لدرجه انها وكأنها نسيت كل اللي اتعلمته في الدنيا… _ اديشك واحده غبيه، حقيره ، عا… يالا ردي احكيلك ش كلمه؟؟ و . كانت لسه هتلفظ الكلمه الاخيره وقبل ما تنطق كان في رد من حد تاني الجمها… _ مسار ايش جاعده تقولي لاختك؟! _ فياض، انا، … كانت بتتهته في الكلام واضح أن طويل عمره مسيطر هنا.. بس كان في صوت تاني طالع يرد عليه بغيظ: _ ما قالت شيء غير الحقيقه فياض..بنتي ما غلطت أن اللي غلطت لما سويت اللي سويته وجبتلنا بنت المصراويه لعنا مع اني حذرتك . _ مرت عمي.. دا كان صوت فياض اللي هز القصر كله لدرجه اني خوفت انا شخصيا .. _ الزمي حد ك مرت عمي واعرفي مع مين بتحكي انا فياض السوالفي واللي جاعد اسويه انا وحدي اللي مسؤل عنه.. قربت والدته اللي تعرفت عليها وشكلها مش شكل القرشانات التانيه شكلها هادئه بس في حالها ومسكت ايده وقالت: _ فياض اهدي جدك راح يسمع بهدوء يا أبا.. _ اتركيه صفيه يحكي، احكيلي فياض شو بتقصد؟تقصد اني ما اللي كلمه بها البيت! لا فياض هالبيت اللي فيه مثل ما الك واني ماني راضيه ابدا عن وجودها بالبيت.. كنت قاعده حاطه ايدي على خدي وتوهت كأني لسه طفله بتبكي، قد ايه صعب تترفض، تتنبذ ، ويتحكم عليك تعيش وحيد.. ولسبب ملكش دخل فيه.. مبقتش شايفه ولا سامعه ولا فاهمه او بمعني اصح انا اللي قررت اتجاهل اللي بيحصل، مبقتش فارقه وجودي من عدمه في المكان ده . المكان دا انا كرهته .. كل اللي كنت عاوزاه هو حضن مرات خالي اللي بيحتويني وكلمه حنينه من خالي..وانام على رجل جدي العجوز.. الغنا مش كل حاجه، البيت هنا رغم جماله كان في نفوس بشعه مخلياه كئيب,، ميتعشش فيه ، معرفش في الليله دي مين اللي خد القرار النهائي واتغلب عالتاني لاني انسحبت ومكملتش الموقف للآخر حسيت اني عاوزه انسحب، افضل لوحدي، واختفي لبعيد..بس كان في ايد دعماني حست بيا ووقفت جنبي متخيلتهاش ابدا، دي كانت ايد طال عمره فياض ، حتى لو مكنش ظاهر ليا بس في الخفا كل الدعم كله كان منه.. دلتني الخادمه للمكان اللي هقعد فيه قصدي اللي قررت اتسجن فيه بارادتي.. بعد شهر: شوفت فيه كل انواع البشر وشاكلتهم، عالم تاني انخلطت فيه ومفيش ولا ست حبتني وياللعجب.. كل اللي بيكلموني ولاد عمي الشباب وبس وكمان من ورا أمهاتهم وإخوانهم البنات.. ضحكت من قلبي وانا بحكي لمرات خالي عالتليفون كالعاده ..كل اللي بيحصل في يومي كله .. لحد ما ضحكت وقالتلي: _ خيبك يا حوريه مفيش ست ابدا تصاحبيها عندك.. بقي الفشل وراكي وراكي في كل حته.. _ ابدا يا فوزيه مفيش كلهم مش طايقني..والنبي يا فوزيه اقنعي خالي يخلي طويل العمر يرجعني عندكن انا زهقت انا مش بتاعه عز وثراء صدقيني.. ضحكنا من قلوبنا..ومرات خالي بتقولي: _ فقر طول عمرك زي مرات خالك فوزيه لسه هرد عليها لقيت الباب بيخبط وقررت اتجاهله كالعاده انا اصلا من يوم ما دخلت البيت دا وانا مبخدش أوامر من حد خصوصا من طويل العمر فياض باشا اللي هيولع مني، بيه ربنا يسامحني بقي انا يا جماعه مش بتحرك غير معاه وبأمره وبصراحه من غير كدب هو احنا عليا من نفسي ، ودلوقتي انا عارفه انوا هو اللي باعتلي هو وجدي وطبعا انا مش هعبر وهطنش وفي الاخر بتهزق بس ولا يفرقلي.. ما انا متعوده اصلا.. بعد زن كتير قررت اقولها خشي وابلغها رفضي للاجتماع العائلي المحبب كل جمعه ما انا مش ناقصه خوته..كلها اسبوع وارجع دراستي زي ما وعدني جدي ، يعني مفيش داعي اخد وادي مع حد رافض وجودي من أصله.. _ لازم تحضري يا بنيتي ، دي ثالث مره ابلغهم رفضك وفياض بيه يرجعني وبيقولك لو طلعك مش هيحصل كويس دي كانت كلمات الخادمه الوحيده اللي بتتعامل معايا هنا ، ست طيبه جدا وبتحبني بس للاسف متعذبه معايا من قراراتي الهبله اللي في الاخر بتتبخر وطبعا من نفسي اوعوا تفكروا انه خوف من حد لا سامح الله.. بعد ما رفضت كالعاده انزل سمعت صوته اللي رعبني.. _ حوريه..حوريه.. انا واثقه من نفسي ولا يفرقلي ،،يالهوي هياكولني يا داده صفيه..خبيني منه ضحكت صفيه كالعاده وانا مستخبيه وراها .. _ ليش العند يا بنيتي مادامك في الاخر بردو هتنزلي.. _ احييه هو ده وقت مواعظ يا داده. انفتح الباب على آخره بعد ما فتحه يطول عمره بزهق برجله، هيجلطني ابن.. بحلاوته دي . _ ليش ما نزلتي لهلا ، مو بعت داده صافيه تناديك قبل اكتر من مره، ولا لازم اطلع وتعصبيني يعني.. كان بيمسح علي وشه بعصبيه، مبتطلعش الا عليا انا واللي تنشك مرات ابويا بس .. _ انا..انا.. _ انتي أيش زهقتيني وطلعتي عيني، باقيلك دقيقه واحده وتطلعي ورايا مو فاضي لدلع الحريم هاد واياك ثم اياك يا حوريه تغيبي من هنا ورايح على موعد الطعام من اليوم ، شو من اليوم من هاللحظه بلاقيكي بكل وجبه عالسفره وان فاتك شيء وجبه ما راح تنعاد عليكي .. _ نعم نعم..هتجوعوني يعني لا مليش دعوه انا عاوزه اروح.. _ ياصبر ايوب.. قالها فياض وهو مذهول مني، حسيته عنده اذبهلال من اعتراضي.. شويه وكنت هعيط وفعلا طلعت وراه ببجامتي وشعري.. كنت ببرطم لحد ما فجأه لقيت… _ نهارك مش فايت ايش هاااد.. _ هااا ______ الفصل الحادي عشر: _ ايش ايش.. قولتها وانا مش فاهمه حقيقي فجأة اتحول طويل العمر لتنين بأجنحة وقرب عليا وفي عيونه نار كأنه عاوز يحرقني.. _ في ايه ؟ _ كيف راح تنزلي بهي الملابس والبيت كله شباب..؟ كنت حاسه أنه بغل براسين وقفت عندي اذبهلال مش طبيعي ، لو اللي تحت شوباب اومال طال عمره ايه وانا واقفه قدامه كده.. لقيتني بتنهد وانا حاطه ايدي على خدي ومحستش اني لساني الفالت قال ايتها حاجه زي عادته ولا كأنه قال اللي بفكر فيه من شويه بس كل اللي حصل بعدها اني طرت اول ما لقيته بيقرب عليا ويصرخ.. _ حوريه لا تهربي تعي سمعيني ايش جلتي.؟؟ بعد شويه خرجت وانا لابسه جلابيه من اللي جبتهملي صفيه تاني يوم جيت فيه هنا..عبايات خليجي تحفه بس مش حاساهم عليا..بس صفيه دائما ليها راي تاني.. قربت منه وكان لسه واقف مستنيني برا اوضتي فكرت أن خلاص ارتحت وهننزل.. لقيته بيقرب بنفس الهيئه وبيصرخ: _ غطي شعرك يا حرمه..ما تستحي على وجهك.. هو قال كده..وانا خلاص كنت جبت اخري.. _ نااااعم، حورمه، حوريه ايه يا عنيا اسمع يا طويل العمر انت يمين بعظيم ما انا نازله ابدا ولا هسمحلك تتحكم فيا..ومش هتحشم وهعمل اللي انا عاوزاه وانت تنفلق بلا فلقه.. لسه هدخل اوضتي بس لقيت ايده سبقت رجلي، وماسك ايدي وضاغط عليها حسيت من الوجع أنها هتتكسر بس مهتمتش انا بجد جبت اخري وانا اصلا مبقتش فارقه معايا.. _ سمعيني ايش جلتي..؟ فقد سيطرته وسامعه صفيه بتتحايل عليه يتركني ..بس طبعا ابو قلب حجر مش همه.. _ انطقي ليش خرستي.. ايش جلتي.. _ قولت.. رفعت وشي ليه وكنت لسه هتكلم بكل تحدي ولا هاممني بس الخوف اللي اتسلل جوايا ابدا مكنش طبيعي وهو بيبصلي كأنه هياكلني.. _ انت هتعمل فيا ايه ؟ابعد عني..؟ _ مش جبل ما اسمع مره تانيه ايش جلتي…؟ _ انا..بس.. خوفت ، ارتعبت ولو كدبت علي نفسي هكدب علي اللي خلقني ازاي..؟ _ عيدي اللي جلتيه؟ _ مش طالعه ولا لابسه ؟ _ ليش على كيفك انت؟ ابتدأ يعصبني تاني لو مش علي كيفي يبقي على كيف مين أن شاء الله.. عيني ولعت نار وانا بقوله: _ طبعا على كيفي وانا حره في نفسي اومال على كيفك انت..؟ _ طبعا على كيفي.. _ ليه اكونش الفلبينيه اللي جابتهالك آنتي.. ولا امتلكتني ولا كسبتني في كيس شيبسي، ابعد ايدك يا جدع انت كنت شايفه حالته اللي متعصبه على اخره ، وانا مش عارفه انا عملت ايه، ؟.. علطول بيتعصب عليا وداير يعطيني أوامر اعملي دا متعمليش دا، اقعدني هنا، كلمي دا ومتكلميش دا..طهقت منه ومن تحكماته الفارغه طول شهر محستش بيه لما قرب مني وفجأة مسك دراعي بتملك واضح في عنيه: _ ايه انتي ملكي، كلك ملكي وشعرايه واحده من شعرك ما راح تطلع وهيك لبس ما بتلبسيه غير بغرفتك وعالله شوفي عالله المحك بتخالفي اوامري يا حوريه .. _ لا دا انت ترالالي فعلا..شعر ايه يا حاج انت انا مش محجبه اصلا ابعد عني جز على اسنانه وبصلي وقالي: _ ايه كان زمان إنما هالحين صرتي ملكي ومثل ما انا بريد راح تعملي يا حوريه ومن سكات بلا دوشه .. _ ملكك..دا انت مصمم بقي ابعد يا عم انت.. سبت ايده بصعوبه اللي ماسكني بيها ودخلت الغرفه بس للاسف ملحقتش اتهني لاني تقريبا سحلني بعد ما غطا شعري اللي كان تقريبا بيقلعه بغيظ وبغل بين صوابعه _ سيبني يازفت انت.. _ زفت، اممم راح تشوفي الزفت على حالته الطبيعية بس صبرا.. بعد مناهدات طويله استسلمت ومشيت وراه وانا ايدي على خدي.. فضلت ساكته بس بينه وبين طال عمره نظرات تق*تل .. قعدت عالسفره بعد ما قربت وسلمت على جدي الشخص الوحيد اللي رغم ذنبه في حقي حاسه أنه بيحبني من قلبه بيفكرني بجدي حبيب قلبي.. عشنا وشفنا بنات الشراشيح بيقعدوا معنا راس براس.. قالت كدا العقربه مرات ابويا الله يسامحه كنت لسه هقوم اجيبها من شعرها بس على آخر لحظه مسكت نفسي او علشان مكدبش عليكوا مسكني طال عمره من ايدي .. اه يا ناري ياريتني ما اتنيلت قعدت جمبه.. بصيتله بغيظ قابل نظرتي كالعاده ببرود .. طبعا مش عاوزه اقولكم أن العشاء عدا ازاي بس طال عمره كان واقف ليا بالمرصاد.. وليهم بالعين الحمرا وحقي كله جابه منهم كان حاميني وسندي وضهري فعلا.. كنت قاعده في امان الله لحد ما سمعت صوته طال عمره هو وجدي..بس حقيقي معرفتش أفسر سبب الخناقه.. _____ الفصل الثاني عشر: _ اتزوج مين يا جدي!؟ مستحيل هاد الشيء يحصل؟ انت ايش بتقول يا جدي، استحاله اللي بتحكيه دا يحصل؟ _ هيحصل يا فياض بأمر مني …ولا بتفكر تعصي وتكسر اوامري.. _ افهمني جدي انت كده بتولع الحرب ومحدش هينكوي بيها الا حوريه.. _ انت بتحميها يا ابني ؟ كلامه صدمني ، مش قادر استوعب ازاي جدي يفكر يجوزني بالطريقة دي لا ومن مين من بلوة حياتي حوريه.. ضربت كف على كف وحسيت باذبهلال مش طبيعي حسيت بهاي اللحظه اني بشبه حوريه .. دخلت لغرفتي واتسبحت ونمت وانا متجاهل تماما أو شبه متأكد أن دا لا يمكن يحصل، معرفش نمت قد ايه بس كل اللي فاكره اني قمت مفزوع علي صوت جاي من الغرفه اللي جنبي ..وبديهي عرفت مين عامل كل هالدوشه.. _ اه منك يا حوريه يا بلوه، ايش بتسوي بنص الليل ياربي كان ناقصني بلاوي لتعطيني هيك بلوه.. كان صوت مزمار صعيدي يمكن لو كان شغال بصوت هادئ كنت اتنيلت وسمعته بس للاسف كان خارج نطاق الغرفه ومسمع كل الدنيا.. جسمي قاد نار وافتكرت شكلها وهي بترقص في الفرح المشؤوم وحكايتها مع ابن العمده.. اليوم دا مش بيفارقني وكل ما بفتكره بعاقبها بطريقتي. بعد نص ساعه كنت حاولت اتأقلم على الصوت بكل الطرق واتخيل البلوه دي وهي بترقص.. حسيت أن قلبي أنا اللي خلاص هينفجر من كتر الكبت وعقلي هيشت مني محستش بنفسي الا وانا بندفع ناحيه الغرفه اللي جاري.. وبدخل بكل حده.. _ ايش بتسوي يا بلوه.. _ يا فضحتي أبو جبل، أخرج يسترك؟ _ ابو جبل..ايش بتقصدي .. لحظه واستوعب اللي بيحصل .. قرب منها ومسكها بحده وبيقول: _ ما في فايده منك، ابدااا.. _____ _ رجاصه، رجاصه في بيتي يا بلوه؟ _ هييه يا فضحتشي.. راجل غريب في اوضتي ، اولا لا.. وسعت عينه ولسه هيرد.. _ انت ازاي تدخل عليا كده ..فين الخصوصيه؟ فين الامن؟ فين جدي؟ يا جدي..فين هدومي يا فضحتي! قرب منها وهي عماله تصرخ باسم جدها وكأنها هي المجني عليها مش الجانيه عينه راحت على لبسها وعينه وسعت واستحي ووشه احمر غيظ وخجل..صوتها العالي لم البيت وخصوصا العقارب اللي واقفين مترصدين لكل نفس في البيت.. _ ايش بيصير هون..؟!هيييه شو هالمسخره..انت يا فياض ومع مين مع عالعقربه..! افتكر لبسها اللي عباره عن جلباب رقص مصري مفتوح من الجانبين ومقسم على جسمها اللي هيبقي مشاع للكل.. محسش بنفسه غير وهو بيخبيها ورا ضهره وهي بتهمس _ يافضحتي ، فضحتنا يا طويل العمر.. مسح وشه بعصبيه وهو ييجز على سنانه وبيتوعدها.. _ ليكي عين تتمسخري هلا..انا اللي فضحتك ولا صوتك اللي فضحك ولبسني بلوه.. مسكت في جلبابه من ورا بكفين ايديها زي الاطفال وهو حاسس بضحكتها بتتحفر جوه منه.. هو في موقف لا يحسد عليه ومش هيمر بسلام ابدا..وهو عارف خصوصا مع وجود العقارب دول.. زفر بقلة حيله ومش عارف يجمع حاجه على بعضها.. مش عارف ايه بيحصله معاها ، بيقسم لو كانت بنت غيرها من بنات أعمامه لكان دفنها حيه بس هو معاها مختلف ..مختلف جدا وهي عارفه ومتأكده من كده.. _ صبرا يا حوريه.. _ الله انا عملت حاجه.. _ واضح أن مش الام بس اللي عقربه البنت كمان عاوزه تسرقك منا يا فياض.. _ مسااار.. دا كان صوت فياض اللي صرخ في اختي المفروض يعني وهي عماله تتهمني بالباطل انا اتوقعت كل السيناريوهات الا السيناريو اللي بيحصل ده..عمري ما اتخيلته ابدا.. _ هي تقصد ايه؟ انا مش فاهمه ! سمع همسها كويس وللحظه شفق عليها من تفكيرهم المريض، واللي بيقولوه من سب وقذف ليهم مع بعض..لاول مره بندم على تهوري وتسرعي وبقول ياريتني ما فعلت..هلا بقول ياريتني ما أدخلت.. دارت عركه بالالسنه وانا مستخبيه ورا ضهره وهو واقف ييرود يبصلهم لحد ما انتفضنا كلنا على صوت جدي اللي حضر في اقل من دقيقه على صوتنا..ووالظاهر اني لازم افكر في عرضه بكل الجديه اللي عندي. _ ايش بيصير يا فياض هنا؟ _ مفيش يا جدي انا.. قبل ما يكمل كلامه كانت مرات ابويا بتحط البهارات بتاعتها كالعاده.. _ مسكنا فياض وهي بوضع بيخزي يا عمي.. _ ايش بتقولي انتي..جنيتي..! _ فياض ! دا كان صراخ جدي اللي سكت عليه فياض .. وانا بقول.. _ يا فضحتي..ذنبك يا بن فوزيه هيخلص مني.. _ ايش جلتي.. _ هاا..لا مقلتش.. نظرته مكنتش مبشره ابدا..غيظ علي حقد أو…مش عارفه لمحة سنه غيره بس بلاش أوهم نفسي انا في ايه ولا ايه اه يا ني يا غلبي.. _ انت ما راح تحكي شي يا عمي هي البنت لازم ترجع محل ما اجت باسرع وقت هلا سحبت فياض لغرفتها والله العالم بعدا وش راح تسوي..! قالت مرات ابويا كده، وبعدها بنت ضحكت بسخريه وقالت: _ بعد هلا بتفتحلها بيت دعاره يا اِمي.. كنت حاسه بشدة جسم فياض تحت ايدي، ما انا لسه ماسكه فيه ومداريه بيه نفسي لسه هيتكلم صرخ جدي فيهم.. _ اخرسوا وكل واحده على غرفتها يالا.. _ ياعمي انا.. _ جلت برا من هون..وانت يا فياض انت وبنيه عمك حصلوني على غرفتي.. _ حيه _ عجربه.. _ الله ياخدك..فاجره _ هيييه شايف يا طويل العمر بيقولوا عليا ايه ؟ قولت كده ومديت ايدي سحبت شعر مسار في أيدي وهاتك يا ضرب وفياض بيبعد بيني وبينها وانا بقولها طيب تعالي بقي اوريكي الف*جر على حقه.. _ حوريه اتركيها..فورا.. _ لا وابعد عني والله لامو*تها العقربه دي.. _ جلت اتركيها .. _ لا..لا.. لاول مره ببقي واقف عاجز حوريه كارثتي وبلوتي المتحركه، حسيت انها قدري اللي مفيش مفر منه، معرفش ازاي وليه ببقي ضعيف كدا قدامها ..لما مسكت مسار من شعرها مقدرتش اعمل حاجه غير اني احجزهم وابعدهم عنها..مقدرتش اقسي عليها واسيب القطيع المفترس ينول منها علي قد صدمتي فيها وفي غجريتها الا اني كنت مبسوط بشجاعتها ودفاعها عن نفسها عمري ما حبيت الست الضعيفه المنكسره حوريه يوم بعد يوم بتتحفر جوا مني ..هي قدري اللي لازم استقبله برضا نفس + اني حبيتها فعلا ودا مش ذنبي فوقت وكان لازم انهي الحوار دا ومكنش فيه حل غير اني اشيلها من على مسار بالقوه … _ سيبني يا فياض..سيبني بقولك يا ابوطويله.. _ اخرسي كرهتني في عيشتي.. كنت بكذب دي حلت ايامي لما نطقت اسمي ..اه يا انا يا غلبي.. مكنش ينفع اسيبها بغرفتها كنت متاكد اني لو سبتها هيفترسوها جوا ومش هيحلوا عنها.. _ سيبني انت جايبني هنا ليه..الله ..وسع يا جدع انت.. ضربت كف علي كف مجنونه وهتجنني.. _ عجبك الاشي اللي صار؟ مطت شفايفها المطليه بالاحمر اللي هيجنني وهي بتبص يمين وشمال جوا جناحي.. _ كنت فاكره غرفه زي بتاعتي بس طلع فندق ماشاء الله.. قالت كلامها الاخير بحقد واضح.. بس حقد مرسوم بضحكه.. _ بتحقدي عليا يا بلوه..بتحسديني يا حوريه _ عاوز الحق ولا ابن عمه..؟ _ هاااا _ يبقي عاوز الحق، اه ، اكدب يعني، اه بحقد..اديهولي دا وانت خد الغرفه..دا واسع اوي وشرح وبرح يا فياض.. كانت بتتمشي في الجناح ومبهوره ونسيت بلاويها السوده في ثانيه.. تمتمت: _ نص سلامها النفسي ياربي.. _ سمعتك على فكره.. _ الله يصبرني.. شوفتي شو صار من ورا عمايلك.. _ الله وانا مالي..ايش ايش ايه ده..انت عندك مزمار بلدي.. برقت بعيني بصدمه وبصيت لمزماري الغالي على قلبي بين ايديها بصدمه، كانت بتتامل فيه بانبهار كأنها لقت كنز.. من كتر الاحراج كنت عاوز الأرض تنشق وتبلعني ولا كارثه حياتي دي تكتشفها عندي.. لسه ههرب من قدامها لقيتها بتقول: _ فياض.. _ ياروح قلبه.. طبعا مطلعتش من بين شفايفي كنت قتلت حالي وخلصت بدل ما افشل في امتحان الثبات قدام صوتها فشل ذريع وأأنب نفسي.. _ ارغي شو بدك..؟ _ بتعرف تعزف.. _ لا وهاتي دا هديه غاليه على قلبي محبكيش تمسمكيها.. نفخت وشها ودبدبت بالأرض ولسه هتكلم : _ ولا كلمه هلا ليكونوا مشيوا من غرفتك روحي اقلعي هي المسخره وحصليني على اوضه جدك وما تفكري الموضوع انتهي لهون ابدا ، للاسف لسه راح يبدأ يا حوريه..! وانا ما راح مرقلك الاشي اللي عملتيه ..راح تتعاقبي.. _ نعم، انت بتكلمني انا يا كابتن.. _ اومال بكلم اِمي..الله يجيرني منك.. _ ماله دا الله …استني طال عمرك اجي معاك انا بتوه في القصر ده..اوف مشي ولا عبرني ابن… _ اخلصي وكفي برطمه انا سامعك يا حيوانه انتي.. _ هيييه يا داهوتي دا انحرف وبقي يشتم ويسب.. _____ _ حدا منكم يفسرلي اللي صار يا فياض ايش دخلك بها الوقت غرفتها لحوريه، وايش هالمنظر اللي شوفت بنية عمك بيه.. _ جدي انا.. _ انا اقولك انا يا جدي. يصلها بتحذير: _ حوريه اخرسي ضبي لسانك _ يعني ايه انا لازم ادافع عن نفسي ، الله..هو كله اسكتي اسكتي اوفا.. _ وانا شو جدامك ما اني زلمه بدافع عنك وعني… _ يييه هيفتحلي محاضره.. غظته بكلامها قرب منها ومسك دراعها بقوه وضغط عليه: _ ايش جِلت هلا؟ _ خلاص خلاص هسكت.. _ فياض! اترك يد بنية عمك وواجهني كيف بتسترجي تفوت لبنت عمك غرفتها ويصير اللي صار.. _ وايش اللي صار يا جدي ما صار شيء بيخزي ولا بيستاهل اوطي راسي منه..وايش فيها لما افوت على غرفة مرتي.. _اييييه ، نعم مرت مين يا عم انت…! كانت واقفه بتبص عليهم بملل وعلى كلامهم اللي مبتفهمش نصه لحد ما سمعت اخر جمله قالها بعد كلام كتير اوي ضربني بجنبي بغيظ : _ اعتبارا لما سيكون دلوقتي عيني وسعت على اخرها وقلت: _ بعينك طال عمرك .. _ راح تشوفي يا جطه.. _ جطة …انت انحرفت يا طويل العمر _ فياض، حوريه ضرب الجد بعصاته بالأرض علشان يسكتنا لما طال الخناق بينا _ نعم يا جدي.. _ ايش اللي بتجوله يا فياض مرت مين ، كيف حوريه مرتك وانا ما عندي خبر بها الشيء..وانت من شويه كنت رافض الاقتراح _ انا بقصد راح تصير ياجدي من بعد رضاك وموافجكتك علي جوازنا.. _ لا يا جدي متوافقش انا مش بحبه. _ اخرسي كان متغاظ منها وكل ما يفكر بسبب رفضها بيبقي عاوز يدفنها بس في حضنه..يربيها من اول وجديد _ انا مبحبكش هي بالعافيه .. _ مين بتحبي السيس اللي خانك واتجوز رفيجتك.. _ السيس ، احيييه، يافضحتك يا حوريه انت عرفت منين يا جدع انت..وبعدين دا فريد مش سيس فياض بعصبيه أشبه بالجنون: _ لا تلفظي اسمه قدامي والا دفنتك حيه.. _ نعم يا روح امك.. _ حوريه ، فياض راح جن من اللي بيصير حدا منكم يفهمني.. بصلها فياض بغيظ وغيره وزقها بايده وبصوت أمر: _ فوتي لغرفتك يا حوريه لحد ما اتكلم مع جدي.. _ لا طبعا انا قاعده على قلبك.. _ حوريه.. زعق فضربت الأرض برجلها : _ بردو مش هتجوزك يا طويل العمر انت..ال جواز ال.. كان بيبصلها بابتسامه انتقلت عدواها لجده اللي فرحان أنه هيتحقق اللي كان نفسه فيه من زمان من غير تدخل منه، اخر شيء توقعه أن فياض يحب بنت عمه اللي كان وجودها من شهر في حياتهم شبه مستحيل.. _ وجعتك بنت المصاروه في عشقها يا فياض ، كيف ما وجع عمك _ بنية عمي يا جدي وانا اولي الناس بيها.. كان بيتكلم باحراج، حاسس أنه بيحلم لكن فاجأه جده لما قال: _ ودا السبب اللي خلاك تسوي الي صار الليله.. _ لا طبعا مجرد صدفه. كان بيتكلم بخجل من جده وبيحك راسه بخفه اللي صار.. _ مهياش سهله بنية عمك كان جده بيضحك عليه وهو مش قادر يبرر ليه اكتر من اللي حكهوله.. انا رايح با جدي _______ تاني يوم : وبعد عراك طويل بينهم علي كل حاجه واي حاجه ساعات بيستغرب نفسه ازاي قادر يتحمل جنان الطفله اللي جواها بس ضحكه منها بتنسيه الدنيا.. _ يووه أنا تعبت، ومش عجبني أي شيء من اللي موجود هنا.. بصلها بحنيه، رغم تذمرها اللي مبيخلصش منها، علي كل حاجه واي حاجه.. لاول مره بيتكشف أنه صبور جدا ودا اللي مصبره على جنانها.. _ تعرفي شيء يا حوريه! _ ايه يا طويل العمر _ انتي مش وجه نعمه.. : نعم يا خويا دا نعمه تبقي خالتي..ايش عرفك انت.. زفر بملل وهو بيضرب كف علي كف ورجع ضحك علي كلامها مش بيعرف ياخد منها حق ولا باطل _ يادي النيله عليا طبعا كان بيهمس بالكلام ده لنفسه لو سمعته يبقي مش هيخلص منها انهارده.. _ أش تبغين هلا.. وسعت عنيها بحماس بعد سؤاله ليها وقعدت علي الكرسي قصاده في المطعم اللي دخلوله بعد ساعات من البحث علي اللبس والفستان اللي هيعجب حوريه..علشان يعلنوا جوازهم ربعت رجليها وبصتله وبدأت توصفله بحماس وهو مذهول ومش مصدق اللي شايفه ولولا أنه قاعد هو وهي في ساتر معزول عن الاختلاط كان خنقها ..وخلص من جنانها.. _ شفت الموضوع بسيط ازاي ، مش تقولي عبايه وملس وملحفه انا لن اقبل بغير هذا الاغراء.. كان فاتح بوقه بس وبيبصلها بصدمه، وهي عماله تحكي لحد ما انتبهت ليه.. _ فياض فياض.. _ ايش فيه.. _ في محشي اغرفلك _ اتحشمي يا حوريه.. فاق لنفسه أنه سرحان في جنانها ولسه هتكلم.. _ قولت ايه؟ _في ايه _ الفستان يا فياض زفر بقلة حيلة من كلامها المجنون _ هنشوف .. كان بيتكلم بغموض خلاها تتجنن اكتر وعاوزه تمسك فيه بأي طريقه _انا مش عاوزه اتحجب يا ..انت ممكن تغصبني يا طويل العمر انت.. _ انا عمري ما اغصبك على حاجه يا عيون طويل العمر بس.. بصتله بكل الحب اللي في قلبها ليه وقالت: _ بس ايه؟؟ _ بس انتي جميله وانا بغاااار يا حوريه يرضيكِ؟! _ بتحبني ! _ واحب اخبيكي عن عيون الدنيا _ موافقه _ نتجوز! _ والبس الحجاب كمان.. _ يبقي تستحقيها.. _ هي ايه دي يا فياض..؟! _ نغمة المزمار يا قلب فياض.. _ قول والله.. _ وحياة حوريه كانت متذمره دايما بس كان بيعرف يراضيها ، فرحها كان اسطوري حضره خالها ومرات خالها وجدها ..وهو كان ونعم الرفيق والزوج الصالح ليها قيمها وقومها ومد ليها ايده بكل الحب وهي قبلت بيها… قالت: "مثل عائلة سعيدة، و منزلٍ دافئ مفعم بضحكات الأطفال و قلبك كانَ كـ أبٍ يُربي طمأنينتي و عيناك ك أم تدللُ فرحةَ قلبي هكذا هو حالي بك"🤎قال: كلما نظرت إليها قلَّ إحباطي، أتعرف معنى أن تشعر بأنك مُنتصر على العالم بسبب عينين؟ 🫀🤎.تمت… اسما السيد ♥️
