حبى الوحيد بقلم نشوى عادل

تالين بقوة وهى بتمسح دموعها مينفعش طالما جينا هنا لازم نبارك وبعدين نمشى قربت تالين وقالت بجد لايقين ع بعض مۏت جوز افاعى واتلموا ع بعض صدق اللى قال ما جمع الا ما وفق ميادة برافو انك جيتى طلعتى شجاعة وقلبك جابك عشان تشوفى بعينك انى انا قدرت اعمل اللى بقالك ٣ سنين بتحاولى تعمليه بين يوم وليلة علقته وحبنى وجه خطبنى أما انتى يا حرام كان معيشك فى دوامة الظروف

تالين بۏجع مدارى بابتسامة قوة قالت عندك حق بس التأخير ده كان خير ليا ربنا مأرادش ان جوازى يكون غلطة لكن انتى هتلبسى العمر كله وتعيشى عمرك تندمى وهتعرفى كلامى ده كويس وتحسى بيه لما تشربى من نفس الكأس وتلاقى واحدة تانية اخدته وزى ما سابنى هيسيبك ميادة ههههه ليه انت سابك عشان رخيصة اما انا اشترانى بالغالى تالين طب ما تخلينى ساكتة احسن ما مامتك تعرف ان انتى اللى شارية الشبكة بفلوسك

اټصدمت ميادة…تالين ايه اتصدمتى ليه انتى مفكرانى عبيطة اوى كده انا عارفة انك عملتى كده بس عشان تضايقينى ومفكرة انك بكده بتكسرينى انا كنت عارفة انك بتغيرى منى من زمان بس كنت بكذب نفسى وبقول لا دى صاحبتى اتاريكى طلعتى الد اعدائى مبروك يا عدوتى هستنى بكرة اقعد جنب الحيطة واسمع الزيطة بصت ميادة لنهلة اللى كانت مبسوطة بكلام تالين وقالت وانتى معندكيش كلمة تقوليها انتى كمان! نهلة انا لا خالص مبارك يا حية اقصد يا ميادة بس انا متمناش يجى منكم ذرية بصراحة اصل مينفعش نسلكم ده يتكاثر خطړ ع البشرية

تالين عندك حق هيخلفوا الدجال او نسل يأجوج ومأجوج ضحكت نهلة وتالين ..ميادة بزعيق برة اطلعوا برة مش عاوزة اشوفكم هنا عماد اهدى يا قلبى مش كده الناس بتبص علينا ودول مهما كان ضيوف وهيمشوا شافته تالين ازاى بيواسيها وحست انها بتضعف سحبت نهلة ومشيوا وبعدها رجعت ع البيت واول ما دخلت ع اوضتها فضلت ټعيط بشهقة زى الاطفال وكانت امها سامعة عياطها بس سابتها تخرج اللى جواها يعدى اسبوع وتالين متابعة صورهم ع السوشيال وقلبها كل مرة يتكسر وكأنها اول مرة وف يوم نزلت راحت ع المول تشترى لبس ليها ولاختها وكانت لوحدها فجأة عربية خبطت فيها من ورا

تالين پغضب مش تفتح     —     يا حيوان انت يخربيت اللى علمكم سواقة وركبكم عربيات تلاقيها امك اللى اشتريتها ليك نزل شخص من العربية وقال هطلع الشغل برة الحوار وهنسى اللى قولتيه دلوقتى تالين پصدمة مستر فهد فهد مستر ايه بقى انتى خليتى فيها مستر وبعدين انتى الغلطانة ع فكرة لف وشها بايده ع اليافطة وقال ده مكان للعربيات مش الوقوف احمدى ربنا مكنتش عربية جات شالتك

لسه مخلصش كلامه وفعلا جات عربية بأقصى سرعة كانت هتخبطها فشالها بسرعة ولفها الجهة التانية وهى من خۏفها اتشبثت ف حضنه وبترتعش حس فهد بخۏفها حط ايده ع شعرها بتردد وقال مټخافيش انتبهت تالين للموقف وبعدت باحراج …تالين احم انا اسفة اوى فهد وهو بيوطى يجيب الشنط اللى وقعت منها ولا يهمك بس ابقى خلى بالك المرة الجاية تحبى اوصلك ! تالين لا شكرا انا مستنية تاكسى فهد ع راحتك عن اذنك ركب عربيته ومشى وف الوقت ده كانت ميادة وعماد خارجين وشافوها وغمزت ميادة لعماد عشان يروحوا يضايقوها

ميادة ايه ده تالين انتى هنا بتعملى اي! بصت ليها تالين من فوق لتحت ومردتش ..عماد ما تيجي نوصلك بعربيتى الجديدة تالين شكرا يا خطيب الست اللى يسمعك يقول انك شاريها بشقاك وتعبك مش من عرق النسوان اللى كنت بتنصب عليهم ع النت

اټصدمت ميادة وبصت پصدمة لعماد وقبل ما يرد لقوا عربية جى كلاس سوده وقفت ادام تالين ونزل منها شاب وسيم ورياضى اخد منها الشنط وفتح ليها الباب جنبه اتوترت بس ركبت من سكات بعدها لف من ناحيتهم ومسك ازازة المياه غسل ايده ورماها جنبهم نزل نضارته بصلهم بقرف وبعدها عدل النضارة وركب العربية ومشى …بعد لحظات صمت طويلة تالين هو انت ايه اللى رجعك تانى! فهد شوفتهم وانا ماشى من المراية وعرفت انهم بيضايقوكى تالين وانت عرفت ازاى!

فهد كنت موجود ف المول اول مرة شوفتيهم مع بعض فيها وسمعت كلامكم وفهمت انه شخص انتى كنتى بتحبيه وهى صاحبتك حطت تالين وشها ف الارض وعيونها احمرت وكانت عاوزة ټعيط لكن لانها مبتعرفش تبان ضعيفة قصاد حد رفضت ان دموعها تنزل بعد فترة لقت نفسها قصاد حديقة عامة نزلت من سكات وقعدت جنب فهد ع الاستراحة فعطاها ضهره وقال يلا تالين بخنقة واستغراب يلا ايه ! فهد عيطى براحتك انا مش هشوفك وهراقب المكان عشان تتأكدى ان محدش شايفك وتخرجى اللى جواكى وووووو…… يتبع

حبى الحقيقى الرابع بقلم نشوه عادل عيطى براحتك انا مش هشوفك وهراقب المكان عشان تتأكدى ان محدش شايفك وتخرجى كل اللى جواكى براحتك تالين بجمود بس انا كويسة اوى ع فكرة سكت فهد وهى اڼفجرت بالعياط وبقت تشهق وكأن قلبها هيقف من الحزن مهما حاولت انها تبان جامدة مكنتش قادرة بعد فترة لما هديت لف فهد وشه ليها وقرب منها وقال ارتاحتى شويه! تالين وعيونها ووشها احمر الحمدلله فهد تعرفى انك شكلك حلو اوى بجد زى القمر وانتى معيطة والله

تالين بضحك ڠصب عنها ع فكرة والله انت مش طبيعى انا ف ايه وانت ف ايه! فهد ع فكرة انا مجرب اللى انتى فيه عشان كده مش بلوم عليكى ولا هقولك ميستاهلوش والجو ده اللى مجربش سهل اوى عليه الكلام تالين بتساؤل مش فاهمة يعنى ايه! فهد يعنى انا كمان جربت ودوقت من الكاس نفسه خېانة واحدة حبيتها بس مش مع صاحبى ده ابن عمى اټصدمت تالين وقالت بجد وعرفت ازاى! فهد كان هو أقرب حد ليا وكنت بعتبره اخويا اتعرفت عليها ف الكلية ف الوقت ده كان عمى اغنى مننا وعنده شركة ووضعهم المادى احسن وانا مكنتش

اعرف انها     —     مادية وطماعة عرفتها عليه وابتدت تلف عليه وكالعادة هو استسلم ليها وهانت عليه الاخوة اللى بينا ولما جيت اواجهها قالتلى جملة فضلت ترن ف ودنى لحد يومى ده انا هختار اتجوز واحد معاه فلوس يعيشنى ملكة مش واحد يدفنى بالحياة كل ما اقوله عاوزة حاجة يقولى ممعييش وقتها اخدتها تحدى مع نفسى واقسمت انى هقف ع رجلى ويشاء ربنا يسهلى الامر ونورث خالى اللى كان عايش ف البرازيل طول عمره وابقى صاحب اكبر شركة زى ما انتى شايفة

تالين وبعدين اكيد بعد ما بقيت غنى حاولت ترجعلك مش كده! فهد دى حقيقة بس امتى بقى لما عمى افلس وبقوا ع اد حالهم رجعت تانى تعمل عليا فيلم كانت مفكرة انى هتغش ف دموعها تانى بس تفتكرى انا حياتى وقفت بعدها! تالين بتساؤل معرفش بس انت مرتبطش لحد دلوقتى يبقى لسه متأثر!