اسكريبت كامل بقلم ايه عامر

دخلت لبيتها لقت والدها تعبان والجيران حواليه… بدأت تهدي وجريت علي علاجه وفتحت حقنة وبدأت تعملها بسرعه وادتهاله…
حسناء بقوة هتبقي كويس ي حبيبي هتبقي كويس…. ساعدني ي عم سعيد نخرجه…. عم مجدي هنروح المستشفي…
مجدي هجيب الميكروباص من اخر الشارع وهجيلك في ثانية…
سعيد يلا ي بنتي… اجمد معايا ي احمد هتبقي كويس…
أحمد بتعب مش هوصيك علي حسناء ي سعيد هي بمېت راجل.. جوزها لواحد ابن حلال…
لقيت نفسي بعرض عليهم من غير تفكير انهم ياخدوه لمستشفي خاصه ملك لوالدي….

زين ي جماعه انا والدي عنده مستشفي خاصه ممكن اخده لهناك…
حسناء بابا متابع مع دكتور معين وهو اللي عارف حالته كويس…
مجدي يلا ي اسطي…
لقيتهم خرجوا وركبوا ومعاها كام واحد من سكان منطقتهم…..
لقيت نفسي بركب توكتوك لأول مره في حياتي وروحت وراهم….
بعد شوية وصلوا لمستشفي كانت خاصه وده اللي استغربته…
بس اللي شغلني… ازاي البنت دي وقفت وسط كل الرجاله ونقلت أبوها علي الترولي وهي ماسكه ايده في تعبه وبتديله القوة…
لحد م وقفت قدام أوضة العمليات….

الدكتور انا قولتلك لو النوبة دي جاتله تاني هنعمل العمليه…
حسناء ماشي ي دكتور ابدأ في العملية المهم انه يبقي كويس…
الدكتور حسناء تكلفة العملية 100 ألف…
حسناء ابدأ ي دكتور وفي أقل من ساعة هكون دافعه حساب المستشفي…
الدكتور ربنا يعينك… واطمني خير…
حسناء بإذن الله خير…
خرجت قدامي من المستشفي وانا واقف بتابع الموقف من بعيد…
شديتها من ايديها ف بصتلي ب استغراب…
حسناء انت بتعمل اي هنا!!!
زين هتجيبي الفلوس منين
حسناء هروح….

زين بمقاطعه هتروحي تتدايني من الناس… طب بذمتك المكان اللي انتي عايشه فيه ده هتلاقي حد يسلفك 100 ألف… مستعد اديكي الفلوس حالا بس تقبلي باللي قولتلك عليه….
حسناء م تقولي كدا حضرتك عرفت ورشتي ازاي!
زين سمعت عنك من كذا حد ان شغلك كويس
حسناء الناس دي اللي هي رجال أعمال و ناس معروفه
وكدا
صح!
زين ايوا..
حسناء
—
يعني حضرتك انا مش واقفه اشحت زباين ولا انا بمد ايدي اخر اليوم اخد منك بقشيش….

انا معروفه اوي وناس كتير عارفه شغلي يعني اي…
انت كنت رايح لواحد اسمه حسن… لكن لما شوفتني مشوفتش مثلا بنت بتشغل ورشه ابوها عادي….
لا شوفت البنت الفقيرة الضعيفه واللي بټعيط اكتر من بتتنفس واللي هتقبل بفلوسك عشان تنقذ ابوها وبعدين بقي تعمل فيها ما بدالك…
طب سيبني اتكلم وارد واقولك اني رايحه البنك اسحب فلوس عادي… اللي كسبتها من شغلي وعرقي وتعبي..

انت بجد عقلك مريض ومحتاج انك تتعالج… انك واقف تستغل واحده في وقت ضعفها بالشكل المقرف ده…
مشيت من قدامي وانا قدامها حسيت نفسي صغير اووي… انا فعلا مكانش ينفع اني استغل وقت ضعفها… مش معني انها مبينتش الضعف ده انها في الوقت ده حزن الدنيا كلها مش في قلبها…
خرجت من المستشفي وانا متضا.يق من نفسي وأخدت تاكسي ورجعت بيتي من تاني……
……………………..
عدي أسبوع.. وانا مش قادر أبطل تفكير فيها… وفي الموقف اللي جمعني ب بنت… بنت ب الاسم بس وحتي الاسم مش كتير يعرفه….
أنا فعلا أول.

م شوفتها ملاحظتش انها بنت وكنت مستغرب ازااي الاسطي حسن بيتكلموا معاه بصيغة مؤنث…
لابسة بنطلون وقميص رجالي ولابسه طاقيه مش مبينه ان في حجاب علي شعرها…
وهدومها متغرقة بشحم و زيت…
ازاي بفكر في بنت زي دي… وقفت وانا بفكر فيها بس لاحظت حركه غريبه برا اوضتي…
خرجت لقيت ياسمين واقفه في وشي…
ياسمين احم… بقالك كتير مختفي ف قلقت عليك…
زين بضيق أنا كويس ي جاسمين…
ياسمين اي دا انت بتتكلم معايا كدا ليه ي زين… whats wrong?